|
|
Բարեգործական ծրագրերի հաշվառման տեղեկատվական համակարգ
Պետության կողմից սոցիալական աջակցության տրամադրման աշխատանքների շրջանակներում իրականացվում են մի շարք բարեգործական ծրագրեր: ՀՀ-ում բարեգործությունը կարգավորվում է ՀՀ Սահմանադրությամբ, ՀՀ քաղաքացիական օրենսգրքով, “Բարեգործության մասին” ՀՀ օրենքով, “Սոցիալական աջակցության մասին” ՀՀ օրենքով, Բարեգործական ծրագրերի մասին ՀՀ Կառավարության N 66-Ն որոշումով, իրավական այլ ակտերով, ինչպես նաև ՀՀ միջազգային պայմանագրերով:
ՀՀ աշխատանքի և սոցիալական հարցերի նախարարությունն իրականացնում է բարեգործական ծրագրերի հաշվառում` համապատասխան տեղեկատվական համակարգի միջոցով, որը ստեղծվել և ներդրվել է 2008թ.:
Տեղեկատվական համակարգի միջոցով իրականացվում են բարեգործական ծրագրերի հաշվառում, վերահսկողություն, վերլուծություններ, որոնք կիրառվում են ոլորտում քաղաքականության մշակման գործընթացում։ Իրականացվում է բարեգործական ծրագրերի շրջանակներում սոցիալական աջակցությունից օգտվողների հաշվառում, համակարգ են մուտքագրվում քաղաքացիների անհատական տվյալները, աջակցություն ստանալու ժամկետները, չափը, տրամադրման և դադարեցման ժամկետները և այլն:
|
|
