Հարգելի բարեկամ,

Ողջունում եմ Ձեզ ՀՀ աշխատանքի և սոցիալական հարցերի նախարարության ինտերնետային կայքում:
Էլեկտրոնային հաղորդակցության այս միջոցը հրաշալի հնարավորություն է բաց, թափանցիկ աշխատելու, պարբերաբար թարմացվող, մատչելի տեղեկատվություն տրամադրելու  և  հետադարձ կապի միջոցով մասնակցային գործընթաց ապահովելու համար:
Մեր կայքում Դուք կգտնեք անհրաժեշտ տեղեկություններ ոլորտը կարգավորող օրենսդրական դաշտի, իրավական ակտերի նախագծերի, համակարգում իրականացվող ծրագրերի, նախարարության կառուցվածքի և պատասխանատուների մասին: Էլեկտրոնային ընդունարանը հնարավորություն կտա դիմումներ ուղարկել և ստանալ պատասխաններ Ձեզ հետաքրքրող հարցերի մասին, նախարարության պատասխանատուների մոտ հերթագրվել ընդունելության համար: Դուք կարող եք դիտել "Սոցիալական երկխոսության ժամ" հաղորդաշարի թողարկումները, լուրերի բաժնից տեղեկանալ նախարարության գործունեությանն առնչվող վերջին իրադարձություններին:
Էջում զետեղված են նաև  մեր նախարարության պատմությունը, ինչպես նաև բոլոր նախարարների կենսագրությունները` սկսած 1918 թվականից մինչև մեր օրերը:
Հուսով եմ, որ մեր կայքն իր բովանդակությամբ և ժամանակակից գործիքներով կդառնա տեղեկատվական լավագույն աղբյուր բոլոր օգտագործողների համար:

ՀՀ աշխատանքի  և սոցիալական
հարցերի նախարար                                                         Արթուր Գրիգորյան